Oer ús

Slightly Shifted bestiet út in groep freonen út Fryslân. De leden fine it allegeare geweldich om mei har eigen ynstrumint muzyk te meitsjen. Al gau wie der dan ek it idee om in band te begjinnen. Troch de ûnderskate ideeën dy’t der wiene om dat te berikken, duorre dit efkes. Deselde ideeën soargen der lykwols ek foar dat de band wurden is wat it no is. Mei’t wy hieltyd faker mei inoar spilen en op inoar ynspile rekken begûn de groep muzikaal mei inoar te ferbinen. Wy begûnen elkoars muzieksmaak te wurdearjen en begrepen elkoars miening better. Sa is ús band tige ûnderskaat yn styl en spylje we alles fan rock oan folk.

De band bestiet op it stuit út seis leden. Mei dizze seis leden wurdt der alles oan dien om nûmers te meitsjen en te spyljen dy’t elkenien wurdearret. Elkenien wol sjen litte wat hy of sy kin en dêrom besykje wy yn elk liet elk ynstrumint optimaal te brûken. Op dize wize hat elkenien by elk liet in stikje om grutsk op te wêzen. Muzyk is de taal dy’t wy allegeare prate en dizze ûnderfining wole wy mei de wrâld diele. De band is tige ambisjeus. Wy binne ea begûn om’t it in aardige manier wie om tiid tegearre troch te bringen, mar no wolle wy ek serieus mei muzyk dwaande wêze. Wy belibje allegeare in soad wille oan it meitsjen fan muzyk en dat gefoel wolle wy graach mei elkenien diele.